Ambasada e Republikës së Kosovë në Gjermani së bashku me Konsullatën e Përgjithshme të Kosovë në Bavari i kanë shprehur ngushëllime familjarëve të cilët i kanë humbur fëmijët tragjikisht në Gjermani.
Ngushëllime ka shprehur edhe Ministrja e Punëve të Jashtme, Meliza Haradinaj-Stublla duke bërë të ditur se janë në kontakt me autoritetet atje për të zbuluar detaje se si ka ndodhë ngjarja, përcjellë albinfo.ch.
Njoftimi i plotë i ambasadadës:
Ambasada e Republikës së Kosovës i shpreh ngushëllimet familjes Arifaj. Bashkë me Konsullatën e Përgjitshme të Kosovës në Bavari, Ambasada është duke bërë çdo gjë që familjes Arifaj t’i qëndrojmë pranë në këto çaste të vështira.
Njoftimi i ministrës:
“Me rastin e vdekjes tragjike të personave B.A dhe H.A (13 dhe 17 vjeçar) në Gjermani, Ministria e Punëve të Jashtme dhe Diasporës e Republikës së Kosovës shpreh ngushëllimet më të sinqerta për prindërit e familjarët, si dhe qytetarët e Deçanit dhe Kosovës.
Ambasada e Kosovës në Berlin dhe Konsullata e Përgjithshme në Bavari janë në kontakt me autoritetet gjermane për t’u sqaruar kjo tragjedi e rëndë.
Jeta jashtë vendlindjes në këto rrethana din të jetë shumë e rëndë, dhe jemi duke bërë çdo gjë që familjes t’u gjindemi pranë në këto çaste të vështira” ka përfunduar njoftimi i Haradinaj-Stublla.
