Edhe pse gjatë luftës ishte në disavantazh dhe po pësonte në rezultat, Akil Gjakova nuk e humbi kontrollin ndaj austriakut Samuel Gassner. Xhudisti kosovar reagoi në momentin e duhur dhe me një hedhje të bukur arriti fitore me Ippon, duke siguruar kalimin në xhiron e tretë në kategorinë deri në 73 kilogramë, përcjell albinfo.ch.
Gjakova po vazhdon paraqitjet e tij në Kampionatin Evropian të xhudos që po mbahet në Tbilisi të Gjeorgjisë, ku synon të arrijë deri te medalja./Albinfo.ch
