Fluturimet në Aeroportin Ndërkombëtar të Tiranës po zhvillohen pa probleme dhe sipas planit të parashikuar, pavarësisht ndikimeve të fundit në trafikun ajror ndërkombëtar si pasojë e zhvillimeve në Lindjen e Mesme.
Nga autoritetet e aeroportit bëhet e ditur se të gjitha operacionet po kryhen rregullisht, pa vonesa apo ndryshime në itinerare. Po ashtu, furnizimi me karburant është i garantuar, duke siguruar vazhdimësi të plotë të shërbimeve për të gjitha linjat ajrore që operojnë drejt dhe nga Tirana.
Autoritetet theksojnë se siguria dhe besueshmëria e shërbimit për pasagjerët mbeten prioritet kryesor, ndërsa çdo fluturim po realizohet në përputhje me standardet dhe protokollet ndërkombëtare.
