Një motoçiklist në kantonin Aargau jo vetëm që po ngiste shumë shpejt, por kreu edhe një manovër të rrezikshme. Tani ai ka humbur lejen e drejtimit.
Të dielën, pak pas orës 15:00, një motoçiklist po lëvizte përgjatë Staffeleggstrasse nga Aarau në drejtim të Frick. Pak para pikës së matjes, drejtuesi 42-vjeçar ka parakaluar disa automjete në korsinë e biçikletave dhe është matur me shpejtësinë 117 km/h, transmeton albinfo.ch.
Në krye të kalimit, dy oficerë policie i kanë bërë shenjë motoçiklistit të ndalojë, me ç’rast ai ka thyer ndalesën dhe ka vazhduar drejtimin pasi ka injoruar vijën e sigurisë.
U hap procedimi penal
Pak më vonë një tjetër patrullë policie ka ngadalësuar motorin. Ndërsa motoçiklisti përsëri linte përshtypjen se donte të depërtonte në pikën e dytë të kontrollit, policia arriti ta arrestonte, raporton Blick.
Pavarësisht disa manovrave të guximshme, fatmirësisht askush nuk u lëndua. Ky lloj drejtimi paraqet një rrezik masivisht të rritur për shoferin, por edhe për përdoruesit e tjerë të rrugës që u binden ligjeve në fuqi.
Shkelësit i është konfiskuar leja e drejtimit. Prokuroria ka hapur procedurë penale kundër shoferit.
