Pesë persona kanë vdekur duke u përpjekur të kalonin La Manshin, deklaruan autoritetet detare franceze.
”Të pestë nuk arritën të mbijetonin pasi u nxorën nga uji. Mes viktimave ishte edhe një vajzë katërvjeçare”, raportojnë mediet.
Aksidenti ka ndodhur mëngjesin e sotëm pranë qytetit bregdetar Wimereux, në veri të Francës.
Aksidentet ndodhin shpesh në këto ujëra ndërsa emigrantët përpiqen të arrijnë në Britaninë e Madhe duke përdorur gomone të vogla.
Udhëtimi bëhet edhe më i rrezikshëm nga anijet e mëdha që kalojnë rrugën.
Në janar, pesë persona vdiqën gjithashtu gjatë tentativës së kalimit.
