Agjencia e Statistikave të Kosovës (ASK) ka publikuar “Statistikat e Transportit dhe Telekomunikimit” për periudhën tremujore TM1 2018, me të dhëna mbi transportin ajror, hekurudhor, rrugor dhe telekomunikimin.
Në tremujorin e parë të vitit 2018 (TM1 2018), numri i pasagjerëve që kanë shfrytëzuar trenin si mjet udhëtimi ishte 17 mijë, ku krahasuar me tremujorin e kaluar, numri i udhëtarëve ishte zvogëluar për 65%, përcjell albinfo.ch.
Transporti i mallrave me tren në TM1 2018 ishte 76 mijë tonë, ku krahasuar me periudhën e njëjtë të vitit të kaluar ka rritje për 36%.
Kurse, sa i përket numrit të fluturimeve, në TM1 2018 ishin 1 560 fluturime, ose 13.70% më shumë sesa në tremujorin e njëjtë të vitit të kaluar (TM1 2017).
Numri i udhëtarëve, që e kanë shfrytëzuar aeroplanin si mjet transporti gjatë këtij tremujori ishte rreth 418 mijë, ku në raport me tremujorin e njëjtë të vitit të kaluar (TM1 2017) ka një rritje prej 16.92%.
Bazuar në kërkesën e Eurostat-it, duke filluar nga tremujori i dyte i këtij viti (TM2 2018), publikimi do të pësoje disa ndryshime, duke përfshire të dhëna edhe nga operatore të tjerë të telekomunikimit, në mënyrë që të mbulohen të gjitha shërbimet e telekomunikimit të ofruara në Kosovë.
