Vetura e kryeministrit Isa Mustafa është gjuajtur me ngjyrë të kuqe, nga aktivistët e Lëvizjes Vetëvendosje, të mërkurën në mëngjes. Vetura është sulmuar gjatë kohës që kryeministri po shkonte në Qeveri, ndërsa aksionin vetë Vetëvendosje, e konsiderohet si shenjë revolte ndaj marrëveshjes që ka bërë Mustafa me Serbinë.
“Aktivistët e Lëvizjes Vetëvendosje kanë hedhur ngjyrë në veturën e Isa Mustafës derisa ai po shkonte në zyrën e tij në Qeveri. Ne duam t’ia kujtojmë Mustafës se nuk mund ta defunksionalizojë shtetin e Kosovës përmes krijimit të Zajednicës”, thekson Vetëvendosje.
Polica e Kosovës ka konfirmuar se sot rreth orës 8:00, është sulmuar eskorada e kryeministrit Isa Mustafa. Sipas Policisë, janë të dyshuar dy persona.
Zëdhënësi i Policisë, Daut Hoxha ka thënë për KP se Policia ka identifikuar dy persona të panjohur të cilët dyshohet se kanë gjuajtur me vezë-ngjyrë në drejtim të veturës së kryeministrit.
Nën është hera e parë që aktivistët e Vetëvendosje përdorin ngjyrën si shenjë revolte. Ata kanë gjuajtur edhe disa herë objektet dhe veturat e qeverisë, ndërsa rasti më eklatant ka ndodhur në Universitetin e Prishtinë, kur dy aktivist të kësaj lëvizje, e bojatisën ish rektorin Mujë Rugova për keqpërdorime në UP.
