Ofruesi zviceran i kartave të kreditit Swisscard po i nënshtrohet ristrukturimit.
Si rezultat i këtij veprimi, i cili do të hyjë në fuqi më 1 maj, do të shkurtohen 40 vende pune në selinë e kompanisë në Horgen, Cyrih.
Swisscard tha se qëllimi i riorganizimit është të sigurojë qëndrueshmërinë afatgjatë të kompanisë, transmeton albinfo.ch.
Me këtë masë, Swisscard po i bashkohet një liste të gjatë kompanish në Zvicër që tashmë kanë shkurtuar ose po vazhdojnë të shkurtojnë dhjetëra, qindra dhe madje mijëra vende pune.
