Një fenomen i veçantë po ndodh në Cyrih: në vend që të kërkojnë rritjen e çmimeve, një grup që përfaqëson shoferët e taksive po propozon të vendoset një tarifë maksimale për udhëtimet brenda qytetit, përcjell albinfo.ch.
Që nga hyrja në fuqi e Ligjit për Taksi dhe Limuzinë në 2024, tarifat maksimale të mëparshme u hoqën, dhe disa shoferë filluan të ngarkojnë çmime të larta edhe për udhëtime shumë të shkurtra. Për shembull, një udhëtim 3,3 km mund të kushtojë 62 franga.
Shoqata e Taksive të Cyrihut ka dërguar një kërkesë më 19 shkurt tek Carmen Walker-Späh, drejtoreshë e Departamentit të Çështjeve Ekonomike, për rivendosjen e tarifës maksimale kantonale. Propozimi përfshin:
Tarifa bazë: 7 franga për udhëtim
Tarifa për kilometër: 4,40 franga
Tarifa për minutë: 1,30 franga
Rudolf Raemy, president i shoqatës, shpjegon se liberalizimi i tregut ka rritur numrin e shoferëve, por konkurrenca ka çuar në rritje të çmimeve, veçanërisht pranë stacionit kryesor të trenit, ku udhëtarët shpesh kanë nevojë për shpejtësi.
Departamenti i Çështjeve Ekonomike ka deklaruar se deri tani nuk ka prova konkrete të abuzimit me çmimet, por kërkesa po shqyrtohet.
Këshilla për udhëtarët: Për të shmangur tarifat e larta, prenotoni udhëtimet paraprakisht dhe kontrolloni tarifat zyrtare të kompanisë.
Tarifat zyrtare të disa qyteteve të mëdha zvicerane:
Cyrih
Gjenevë
Bazel
Bern
Losanë
Lugano
