Presidentja e Kosovës, Vjosa Osmani, ka mbërritur në Davos të Zvicrës pas ftesës së Presidentit të SHBA-së, Donald Trump, për të marrë pjesë në ceremoninë e themelimit të Bordit të Paqes 2026, shkruan albinfo.ch.
Gjatë hyrjes në objektin ku zhvillohet ceremonia, Presidentja Osmani ka takuar disa udhëheqës botërorë, përfshirë përfaqësues nga Zvicra, ku u prit me ngrohtësi nga Karin Keller-Sutter.
Nga Davosi, Osmani ka ndarë me publikun pamje nga vizita dhe ka shkruar në rrjetet sociale:“Mirëmëngjes nga Davos, ku jemi me ftesë të Presidentit Trump, në ceremoninë e themelimit të Bordit të Paqes.”
Ky aktivitet nënvizon rolin aktiv të Kosovës në forumet ndërkombëtare dhe angazhimin e saj në çështjet globale të paqes dhe bashkëpunimit ndërkombëtar./Albinfo.ch
https://www.facebook.com/share/r/1BxNVdM8Rc/?mibextid=wwXIfr
