Me mbështetjen e Ministrisë së Industrisë, Ndërmarrësisë dhe Tregtisë (MINT), përkatësisht Agjencisë KIESA, 27 kompani nga Kosova kanë nisur sot pjesëmarrjen në panairin ndërkombëtar “Swissbau 2026”, i cili po mbahet në Bazel të Zvicrës nga 20 deri më 23 janar, shkruan albinfo.ch.
Kompanitë kosovare po prezantojnë produktet dhe kapacitetet e tyre, me fokus të veçantë në industrinë e drurit, në një nga panairet më të mëdha evropiane të ndërtimit dhe përpunimit të drurit.
Ndërkohë, 9 kompani nga Kosova po marrin pjesë edhe në panairin “IF Wedding Fashion Izmir Fair” në Turqi, që po mbahet nga 20 deri më 22 janar, duke promovuar industrinë e tekstilit dhe modës.
Pjesëmarrja në këto panaire synon rritjen e dukshmërisë së produkteve “Made in Kosovo”, forcimin e bashkëpunimit ndërkombëtar dhe zgjerimin e tregjeve eksportuese./Albinfo.ch
