Ministrja në detyrë e Drejtësisë në Kosovë Albulena Haxhiu, ka kritikuar ashpër vendimin e Gjykatës Kushtetuese, duke e cilësuar si tejkalim të hapur të kompetencave të saj dhe krijim të normave të reja që i takojnë Kuvendit.
Sipas saj, disa pika të vendimit nuk mbështeten në Kushtetutë apo në ndonjë dispozitë ligjore, por vendosin rregulla të reja, si kufizimi i kandidimit deri në tre herë dhe detyrimi për votim të hapur. Haxhiu tha se këto vendime “grabisin” kompetencat e Kuvendit dhe nuk gjenden askund në ligj.
