Sot, më 15 qershor, në fushat e kompleksit sportiv Bergholz Wil (Lidl Arena) u zhvillua turniri i katërt tradicional humanitar, i organizuar nga Shoqata Humanitare Diaspora Wil.
Nën moton “Sporti që bashkon zemrat”, ky turnir solli bashkë 34 ekipe pjesëmarrëse, rreth 1500-2000 vizitorë dhe një atmosferë të jashtëzakonshme solidariteti dhe pasioni për futbollin, transmeton albinfo.ch.
Përveç spektaklit sportiv, ngjarja u shënua edhe nga mbështetja e rreth 40 bizneseve, që ndihmuan realizimin e këtij aktiviteti bamirësor teksa të gjitha të ardhurat do të përdoren për projekte humanitare, duke e bërë këtë turne më shumë se vetëm një garë sportive – një mision me zemër.
Fituesit e turnirit:
Vendi i parë – Ria Küchen GmbH (1000 CHF)
Vendi i dytë – FC All Stars (700 CHF)
Vendi i tretë – Proper Pizza (400 CHF)
Vendi i katërt – FC Albastars
