Më shumë se 34,000 njerëz kanë nënshkruar peticionin e Bashkimit Federal Demokratik (UDF), i cili i bën thirrje Zvicrës të tërhiqet nga Organizata Botërore e Shëndetësisë (OBSH). Këshilltari Kombëtar Andreas Gafner (UDF/BE) synon të paraqesë një ndërhyrje parlamentare për këtë qëllim në Asamblenë Kombëtare gjatë sesionit aktual të Dhomave Federale.
Politika e OBSH-së po shkon shumë larg: gjithnjë e më pak ka të bëjë me shëndetin e njerëzve dhe “gjithnjë e më shumë për pushtetin dhe kontrollin e ushtruar nga një grup i vogël zyrtarësh”, thuhet në peticion, transmeton albinfo.ch.
Autorët e kësaj të fundit janë veçanërisht të shqetësuar për paktin global kundër pandemive, i mbrojtur nga OBSH. Numri i madh i nënshkrimeve i jep peshë kërkesës, thekson UDF. Duhet theksuar se në Zvicrën gjermanishtfolëse janë mbledhur gati 30 mijë nënshkrime.
