Konsullata e Republikës së Kosovës në Shtutgart ka reaguar pas sulmit që ndodhi sot në qytetin Mannheim të Gjermanisë.
Përmes njoftimit bëhet e ditur se janë në komunikim të vazhdueshëm me autoritetet gjermane dhe me pjesëtarët e mërgatës kosovare në këtë qytet.
“Lusim të gjithë shtetasit e Republikës së Kosovës, që kanë nevojë për ndihmë, të na kontaktojnë në numrin emergjent të Konsullatës: +49 152 37337814. Ju lutemi të qëndroni të sigurt dhe të ndiqni udhëzimet e autoriteteve lokale”, thuhet në njoftim, transmeton albinfo.ch.
