Greva e stafit tokësor të Lufthansa-s, e paralajmëruar për sot në Gjermani, nuk pritet të ketë pasoja të rëndësishme në fluturimet për dhe nga Zvicra. Deri më tani, vetëm disa linja janë anuluar, përcjell albinfo.ch.
Në aeroportin e Gjenevës, gjashtë fluturime që nisen nga Gjeneva dhe shtatë që mbërrijnë janë anuluar. Këto janë lidhjet midis Gjenevës, Mynihut dhe Frankfurtit.
As aeroporti i Cyrihut nuk pret një ndikim të rëndësishëm. Vetëm katër linja të ofruara nga Lufthansa të martën për në Mynih dhe Frankfurt u anuluan.
Në EuroAirport Basel-Mulhouse, katër fluturime të Lufthansa u anuluan gjithsej. /Albinfo.ch
