Gati 50 fluturime të aeroplanëve janë anuluar brenda dhe jashtë kryeqytetit, në rajonin e Moskës, teksa Rusia thotë se ka penguar sulmet e dy dronëve ukrainas në këtë rajon.
Autoriteti rus i aviacionit Rosaviatsiya ka njoftuar se arritjet dhe nisjet nga katër aeroportet kryesore të Moskës – Vnukovo, Domodedovo, Sheremetyevo dhe Zhukovsky – u kufizuan, duke ndërprerë fluturimin e 45 aeroplanëve për pasagjerë dhe dy aeroplanëve për mallra, shkruan albinfo.ch.
Zyrtarët rusë kanë paralajmëruar vazhdimisht se dronët ushtarakë që fluturojnë mbi Moskë, e cila së bashku me rajonin e saj përreth ka një popullsi prej afro 22 milionë banorësh, mund të shkaktojnë një fatkeqësi të madhe.
