Misioni Shqiptar pranë Kombeve të Bashkuara në Gjenevë organizoi me rastin e Ditës së Flamurit një mbrëmje koktej me shqiptarët që punojnë pranë organizatave ndërkombëtare me seli në Gjenevë si dhe bashkatdhetarë të tjerë nga trevat shqiptare, njofton albinfo.ch.
Në këtë mbrëmje festive, të pranishmit i përshëndeti dhe u uroi festën e Flamurit Ambasadorja e RSH pranë Kombeve të Bashkuara në Gjenevë, znj. Ravesa Lleshi.
I pranishëm në këtë aktivitet ishte dhe ambasadori i RSH në Zvicër I. Gjoni, diplomatë të Konsullatës së Përgjithshme të Kosovës dhe asaj të Maqedonisë së Veriut.
