Këshilli Federal ka shtrënguar të premten masat e koronës, në nivel kombëtar. Kështu, siç üeshtë njoftuar tashmë, nga e hëna, do të hyjë në fuqi detyrimi i zgjeruar për maskë dhe certifikatë si dhe “rekomandimi urgjent” për punën nga shtëpia (Home Office).
Ndërkohë, repartet e terapisë intensive në spitale janë tashmë në kufirin e kapaciteteve të tyre në shumë vende dhe stafi është i rraskapitur, transmeton albinfo.ch.
Situata është shumë e rëndë dhe e vështirë për të gjithë, është shprehur presidenti federal Guy Parmelin në emisionin “SamstagRundschau” të radios SRF.
Për vendimin e fundit të Këshillit Federal, ai thotë: “Ne mendojmë se masat e reja do të kenë efekt, edhe pse ndoshta jo menjëherë. Këshilli Federal do të analizojë situatën në javët e ardhshme dhe do të marrë masa të mëtejshme nëse është e nevojshme.
Nuk do të na mbeten më edhe shumë mundësi, thotë Parmelin. “Nëse ne nuk duam të bëjmë vaksinimin e detyrueshëm – dhe as Këshilli Federal nuk e dëshiron këtë – ka ende masa në dispozicion, si për shembull 2G”.
Sipas tij 2G ndoshta nuk është ende e imagjinueshme sot, por ai nuk dëshiron ta përjashtojë.
“Këshilli Federal do të marrë në konsideratë masat për personat e pavaksinuar, nëse masat e reja kundër Koronës nuk kanë efekt”
Duhet të jeni të qartë, thotë Parmelin: Këshilli Federal po përpiqet të mbajë shoqërinë të bashkuar dhe t’i japë përparësi lirisë së çdo individi.
“Por, në fund, është interesi i përgjithshëm ai që ka rëndësi”, përcjell albinfo.ch. Në këtë moment kohe, Presidenti Federal nuk dëshiron të bëjë prognozë se si do të zhvillohet situata.
