Zyra Federale e Shëndetit Publik (BAG) ka raportuar 1,363 raste të reja pozitive me koronavirus gjatë 24 orëve të fundit.
Mesatarja e 7 ditëve është 1428 ose 13 për qind më pak se në javën e kaluar, shkruan srf.ch. Trendi aktualisht është në rënie.
Shkalla mesatare e rasteve pozitive në 7 ditët e fundit është 6.1 për qind, transmeton albinfo.ch. Krahasuar me javën e kaluar, norma e pozitivitetit është ulur për 1 pikë përqindjeje.
Vëllimi i testimeve në një mesatare 7-ditore është 26,538 teste në ditë dhe kështu është rritur me 12 për qind krahasuar me javën e mëparshme.
BAG raporton 42 raste të reja të vdekjes. Mesatarja 7 ditore është 20 vdekje në lidhje me koronavirusin. Kjo është 35 për qind më pak se në javën e kaluar.
Aktualisht BAG raporton 1255 persona që po trajtohen spitale për Covid-19, që është 11 për qind më pak se në javën e kaluar.
Shtretërit e certifikuar të kujdesit intensiv në spitalet zvicerane janë aktualisht 81.0 për qind të shfrytëzuar, përcjell albinfo.ch. Ndërsa po u përfshinë edhe shtretërit ad-hoc, niveli i shfrytëzimit është 71.0 për qind.
