Në ditën e parë pas fillimit zyrtar, një numër relativisht i madh njerëzish në Zvicër kanë nisur përdorimin e aplikacionit “Swiss Covid”. Në të vërtetë, gjithsej afër 570 mijë veta e kanë shkarkuar aplikacionin në fjalë, i cili është krijuar për të ndjekur infeksionet me koronavirus, raportopn srf.ch.
Këtë njoftim e ka bërë publik të premten Zyra Federale e Statistikave (FSO), transmeton albinfo.ch. “Numri i aplikacioneve aktive Swiss Covid kishte arritur në 566.894 të enjten, thuhet në komunikatën e zyrës në fjalë.
Matja bazohet në vendosjen automatike të kontaktit me sistemin e gjurmimit të afërsisë për të përditësuar të dhënat e konfigurimit. Ky operacion përsëritet disa herë në ditë, përcjell albinfo.ch. Numri i konstatuar i përdoruesve është një tregues për shkallën në të cilën aplikacioni po përdoret nga popullata në jetën e përditshme. si një nga masat për të parandaluar përhapjen e koronavirusit.
