Petrit Lekaj, 49-vjeçar, shqiptari që vrau vajzën e tij 20-vjeçare korrikun e vitit të kaluar në Australi është dënuar me 20 vjet burgim nga Gjykata.
Shqiptari e qëlloi 8 herë me thikë vajzën e tij teksa ndodheshin brenda në automjet. Sabrina ka qenë duke festuar me miqtë e saj një natë para se të ndodhte tragjedia, ndërsa mësohet se kishte konsumuar lëndë narkotike, përcjell albinfo.ch.
Lekaj, i cili ka pasur një të shkuar kriminale, pasi është kapur disa herë për trafikim lëndësh narkotike, pas krimit u mbyll në një spital psikiatrik.
Ndërkohë, mamaja e Sabrinës, Romina, nuk dha asnjë deklaratë apo koment këtë të martë, pasi u largua nga gjykata.
