Sipërmarrësit shqiptarë në diasporë morën pjesë në takimin e rrjetit të bizneseve në Salzburg të Austrisë. Takimi synonte diskutimin për mundësitë e bashkëpunimit me njëri-tjetrin me qëllim zgjerimin e bizneseve si dhe nxitjen e tyre për investim në trevat shqiptare, shkruan albinfo.ch.
Ky ishte takimi i fundit i degës së Rrjetit në Salzburg që u mbajt më 24 janar, ku të pranishëm ishin rreth 15 afaristë.
Në këtë takim u bisedua rreth punëve të ardhshme të Rrjetit, anëtarësimet e reja dhe takimet e radhës në nivel të Austrisë. Po ashtu u diskutua për mundësi se si të lidhen bizneset shqiptare dhe të bashkëpunojnë edhe më shumë mes vete dhe nxitja e investimeve në vendlindje. Nikoqire e takimit ishte anëtarja e kryesisë së kësaj dege, Jehona Berisha. /Albinfo.ch.
