“E vërteta është se ata që kanë lindur para 18 vjetësh, nuk mund t’i edukojmë sot profesionalisht. Nuk mund të mbulojmë kërkesat e mëdha për profesionistë të shkolluar prej mbi 80 mijë punonjës me kuadro mjekësore nga brenda. Po, ne duam më shumë profesionistë të edukuar. Por, na duhet fuqia profesioniste nga vendet e tjera”, tha ministri gjerman në një fjalim në Bundestagun gjerman të premten, sipas Telegrafi, përcjell albinfo.ch.
Deklarata e tij vjen pas kritikave të opozitës në Gjermani se ministri po kërkon kuadro nga sektori i shëndetësisë në Kosovë.
Ministri gjerman i Shëndetësisë, Jens Spahn, vizitoi gjatë korrikut Kosovën, me ç’rast tha se Gjermania ka nevojë për rreth 70 mijë infermierë.
“Gjermania ka nevojë për ardhje të ekspertëve të fushës së infermierisë dhe nga sot me nënshkrimin e marrëveshjes kemi krijuar një bazë të përbashkët, që është qëllimi final, shkollimi profesional nëpër shkolla, i cili i referohet standardit gjerman”, tha atëherë ministri Spahn.
https://www.facebook.com/jensspahn/videos/1480096722148347/?t=0
