Kristina tregon se në natën kur kishte rënë tërmeti, qeni i cili mban emrin Kiko, i kishte zgjuar nga gjumi. Madje, ajo thotë se kur e kishte parë që ata nuk po zgjoheshin, ai kishte provuar ta tërhiqte batanijen me të cilën ata ishin të mbuluar.
“Natën që ra tërmeti ishim në gjumë ne dhe ai na zgjoi nga gjumi pasi filloi të lehte. Ne nuk u zgjuam dhe ai e kafshoi dhe filloji të tërhiqte batanijen. Pastaj i shpëtuam ne jetën Kikos”, shpjegon ajo, njofton tch.
Ajo tutje tregon se si e shpëtuan ata qenin, pasi iu kërkua që ta braktisnin e të shpëtonin për vete.
“Ia shpëtuam jetën që nuk ikëm, nuk e lamë në rrugë, se na thoshin që leje qenin në rrugë dhe ik. Ne nuk pranuan me ik vetëm dhe thamë që po na pranuat me qenin, do të vijmë, po nuk na pranuat, nuk vijmë”, thotë ajo.
Kristina thotë se nga ajo ditë, ata nuk janë kthyer në shtëpinë e tyre, derisa shton se ndërtesa u shemb komplet, shkruan telegrafi, percjell albinfo.ch.
“Jo, është gërmadhë atje, u shemb komplet pallati. Na thanë që ta lëmë qenin, por ne nuk e lëmë, pasi ai na e shpëtoi jetën”, ka thënë ajo.
