Fshati Nasalë që gjendet në komunën e Gjilanit po boshatiset çdo ditë e më shumë. Aktualisht aty kanë mbetur edhe 30 familje. Shumica e banorëve jetojnë në mërgim.
Ndërsa, këta që kanë mbetur ankohen se janë lënë pasdore nga pushteti komunal. Rrugët e fshatit nuk janë të asfaltuara, ndërsa banorët problemin më të madh e kanë me mungesën e ujit të pijes, përcjell albinfo.ch.
Para disa vjetësh është hapur një pus për t’i furnizuar banorët me ujë, por uji ka dalë mineral dhe i nxehtë rreth 30 gradë celsius.
Si pasojë e boshatisjes së fshatit, në shkollë janë vetëm 9 nxënës. Banorët thonë se fshati do të mbetet pa banorë, sepse ka 8 vjet që askush nuk është martuar.
