Nga sot të gjithë drejtuesit e mjeteve duhet të përgatiten për sezonin dimëror, i cili zgjat deri më 15 mars.
Gjatë kësaj periudhe, drejtuesit e mjeteve duhet t’i kenë me vete pajisjet dimërore.
Policia e Kosovës ka apeluar që shoferët të jenë të kujdesshëm gjatë këtij sezoni.
“Apelojmë për të gjithë shoferët që të fillojnë përgatitjen e mjetit dhe të jenë të kujdesshëm gjatë këtij sezoni dimëror”, thuhet në apelin e Policisë së Kosovës.
Ndryshe, sipas profesorit universitar, Sylë Tahirsylaj, reshjet e para të borës me intensitet të ulët pritet të bien gjatë javës së ardhshme.
