Këtë fundjavë luhen ndeshjete fundit të kampionatit dhe sot përballen me sfidën që do të përcaktojë se cila nga këto dy skuadra do ta fitojë kampionatin e ligës së dytë të regjionit në Bazel.
FC Dardania do të jetë mysafire e skuadrës FC Arlesheim dhe nëse fitojnë e kanë të siguruar ngjitjën në një kategori më të lartë, aty ku garojnë FC Kosova Cyrih dhe FC Dardania Lozanë.
Pra, djelmoshat e trajnerit Enver Hajdari, mund të shkruajnë histori sot, duke u bërë ekipi i tretë shqipar që garon në ligën e dytë ndërregjionale.
„Gjithsesi, ne sot histori do të shkruajmë“, thotë me të qeshura trajneri Hajdari, „Nëse jo për sukseset e skudrave shqiptare të futbollit në Zvicër, atëherë për ekipin e parë që refuzon të ngjitet në një kategori më lartë“.
Për shkak se liga ndërregjionale kërkon shumë angazhim dhe shume mjete financiare, të cilat ne nuk i kemi, tregon ai. Na mungojnë edhe 20 mijë franga buxhet. Me 60 mijë franga buxhet vjetor do t’ia dalinim, shprehet ai.
Dardanët e Bazelit janë sivjet në kulmin e sukseseve si klub futbollistik. Me gjashtë skuadra, ata janë solid dhe thuajse të pamposhtur.
Duke nisur nga ekipi i parë që prinë në vendin e parë me 50 pikë një lojë para përfundimit të kampionatit. Ekipin e juniorëve që sezonin vjeshtor do ta startoj në një kategori më të lartë. Pastaj ekipi i seniorëve që poashtu e ka përfunduar kampionatin ne vendin e parë, dhe kështu nga sezoni ardhshëm do të garojnë në ligën më të lartë të futbollit të seniorëve të Zvicrës
Ai e pranon se megjithë vështirësitë financiare, vullneti në mesin e lojtarëve, veçmas tek të rinjtë, është i madh dhe ata duan sezonin tjetër të garojnë në ligën ndërregjionale, shpjegon trajneri i Dardanisë, Enver Hajdari, mirëpo kjo nuk është e mundur dhe ne tani i kemi dërguar letër Federatës.
Në ekipin e parë, trajneri Hajdari, ka tre lojtarë që deri në moshat u17 kanë luajtur në skuadrat e juniorëve të FC Baselit dhe njëri ndër ta është edhe Erdin Shaqiri, vëllai i yllit të futbollit zviceran, Xherdanit, i cili Erdinin e ka dhe menaxher të vetin. Mirëpo sot ai atë nuk do ta ketë në përbërje, sepse është pranë Xherdanit në Brazil.
