Televizioni gjerman ZDF ka raportuar që ka mungesë të vozitësve të kamionëve dhe kjo mund të shpie në mungesë të artikujve nëpër raftet e supermarketeve.
Sipas Shoqatës për Transport të Mallrave dhe Logjistikë, kompanitë gjermane për transport mallrash kanë mungesë prej 45 mijë deri në 60 mijë vozitës kamionësh, dhe zëdhënësi i tyre ka paralajmëruar që ata janë “afër kolapsit” shkaku i mungesës së fuqisë punëtore.
Kjo lloj pune nuk është tërheqëse shkaku i pagave dhe kushteve të këqija të punës, dhe kjo ka shtyrë përfaqësuesit e kësaj fushe për të premtuar se do t’i përmirësojnë ato.
Ata gjithashtu duan të marrin më shumë gra mes vozitësve profesionistë për momentin, pasi që vetëm 1.7 për qind e vozitësve të kamionëve në Gjermani janë gra.
