Policia njofton se ka arrestuar katër persona në një klinikë private në rajonin e Prishtinës, si të dyshuar për veprën penale ‘transplantim i kundërligjshëm dhe trafikim i organeve dhe qelizave njerëzore’ dhe ‘bashkëkryerje”.
Sipas Policë, ky operacion është realizuar në bashkëpunim me inspektorët shëndetësorë.
“Gjatë këtij operacioni policor si prova materiale nga Inspektorati Shëndetësor janë sekuestruar: kopje të dosjeve mjekësore, libra-fletore me shënime dhe dokumente të tjera të ndryshme, transmeton albinfo.ch.
Tre të dyshuarve, me urdhër të prokurorit, iu është caktuar masa e ndalimit prej 48 orësh, ndërsa njëri është liruar në procedurë të rregullt”’, thuhet në komunikatë.
