Në Zvicër po vazhdon debati se sa duhet të kenë pushim lehonie prindërit, sidomos baballarët.
Sipas ligjit zviceran, baballarëve u takon vetëm një ditë pushim, megjithatë, kjo mund të ndryshojë shumë shpejt, përcjell albinfo.ch.
Së fundi, kompania Volvo e Zvicrës ka vendosur që të japë pushim 24 javë për prindërit, si për nënat, ashtu edhe për baballarët.
Nënat dhe baballarët të cilët janë të punësuar nga prodhuesi i makinave marrin një leje prindërore bujare gjashtë mujore (24 javë) në lindjen e një fëmije – me një pagë prej 80%. Leja prindërore nuk duhet të merret menjëherë pas lindjes, por mund të ndahet brenda tre viteve të para të jetës së fëmijës.
Nëse Volvo e realizon premtimin, atëherë, do të bëhet kompania që jep më së shumti pushim të lehonisë për prindërit.
Novartis ofron 18 javë pushim lehonie për prindërit dhe me një pagesë 100 %. Google ofron 12 javë me pagesë 100 %.
J&J ofron 8 javë për burrat dhe 18 për gratë me pagesë 100 %. Microsoft ofron 6 javë për burrat dhe 20 javë për gratë, gjithashtu me pagesë 100 %.
Ilkea ofron 6 javë për dy prindërit me pagesë 100 %.
Këto janë kompanitë me lejen më të gjatë prindërore në Zvicër:
