Kurrë më parë në Zvicër uk ka pasur kaq shume njerëz të punësuar se sot. Në tremujorin e dytë të këtij viti numri i të punësuarve është rritur për 1.3 dhe ka arritur shifren rekorde prej 4.82 milionë veta.
Në vendet e Bashkimit Evropian gjatë periudhës së njëjtë ka paur një ulje prej 0.4% të të punësuarv, tregon raporti më i ri mbi fuqinë punëtore, i realizuar nga Enti Federal për Statistika.
Sipas këtij raporti, veçanërisht i madh ka qenë numri i femrave që kanë nisur punë. Kështu te femrat rritja është 2% ndërsa te meshkujt 0.7%.
Por edhe më e madhe ka qenë gjatë këtij tremujori rritja e numrit të të huajve të punësuar. 3% më shumë të huaj kanë gjetur punë në Zvicër, dke ngritur në 1.40 milion numrin e të punësuarve që nuk kanë pasaportë zvicerane. Ndërsa zviceranë të punësuar janë 3.42 milionë, gjegjësisht vetëm 0.6% më shumë se në një vit më parë.
Por, në këtë periudhë është shtuar po ashtu edhe numri i të papunëve. Sipas Entit të Statistikave janë regjistruar 193 mijë të papunë ose për 22 mijë më shumë se në vitin paraprak.
