Sipas statistikave, Zvicra do t’i ketë nëntë milionë banorë në vitin 2023, derisa dhjetë milionë më 2040, shkruajnë mediat zvicerane.
Popullsia e Konfederatës Zvicerane është rritur mjaft në vitit e fundit, përcjell albinfo.ch.
Në vitin 2018, Zvicra ka regjistruar 8’526’932 banorë. Përgjegjës për rritjen e popullsisë vlerësohen të jenë shkalla më e lartë e lindjeve, jetëgjatësia më e lartë e njerëzve, si dhe imigrimi i banorëve të rinj. Për periudhën midis 2015 deri më 2024, pritet një rritje e popullsisë +9 %.
Në vitin 2017, megjithatë, popullsia zvicerane vetëm u rrit me + 0.7% krahasuar me vitin paraprak, përcjell tutje albinfo.ch.
Shkalla e rritjes është dukshëm më e ulët se në vitet 2007 deri në vitin 2016. Në të njëjtën kohë, numri i emigracionit është ulur me 10% dhe bilanci e migrimit me 28% krahasuar me vitin paraprak. Vlera më e ulët që nga viti 2006.
