Ndërrimi i moteve në kryeqytet është pritur me ndezje fishekzjarrësh e muzikë.
Edhe sivjet komuna organizoi koncertin “Prite n’shesh”, të cilit iu bashkuan qytetarë të shumtë, për të festuar ardhjen e vitit të ri në sheshin “Zahir Pajaziti”.
Dëshirë e qytetarëve edhe për vitin 2019 mbetet liberalizimi i vizave, derisa kanë kërkuar edhe më shumë mirëqenie.
Ndërsa i pari i Prishtinës, Shpend Ahmeti, është zotuar për realizimin e shumë projekteve në vitin që sapo kemi hyrë.
E gjithë kjo festë u sigurua nga forca të shumta policore, të cilat patrulluan me armë të gjata në lokacione të ndryshme në kryeqytet.
