Personat të cilët hapësirën e facebook-ut të policisë së kantonit të St. Gallenit tash e tutje e shfrytëzojnë për komente kundër të huajve dhe fyerje, përballen me mundësinë e kallëzimit të menjüehershëm penal. Me këtë vendim, komanda policore ka reaguar ndaj një kritike mediale të bërë më parë në gazetën e të dielës „Ostschweiz am Sontag“.
Gazeta në fjalë, në numrin e saj të fundit kishte drejtuar kritika ndaj policisë se ajo lejonte postime ksenofobike në faqen e saj të facebook-ut. Ndërkaq, komandanti i Polcisë së kantonit të St. Gallenit, Bruno Zanga, përmes një komunikate të bërë të hënën është distancuar “ në të gjitha mënyrat“ nga komentet e përmendura.
Në të ardhen, sipas tij, policia që ai e udhëheq do të bëjë mbikëqyrje më të ashpër të të gjitha postimeve dhe me këtë rast, komentet e dyshimta të cilat mund të përbüejnë shkelje të korrektësisë do ë shlyhen në mënyrë konsekuente. Përveç kësaj, ndaj përdoruesve që i kanë bërë ato postime, do të ushtrohen kallëzime penale.
Përmbajtjet ksenofbike të publikuara në facebook të Policisë së kantonit të St. Gallenit janë kritikuar edhe nga partitë. I gjithë spektri politik zviceran me këtë rats ka qenë unik: nga SP/PS deri te SVP/UDC. Ato i dënojnë ashpër publikimet në fjalë. „Nëse diçka e tillë del në faqen e policisë së kantonit, atëherë kjo fare lehtë mund të merret si sinjal nga postuesit se shprehja e ksenofobisë dhe fyerjet janë paraqitje normale“, thuhet në prononcimet e politikanëve që i përcjell gazeta „Ostschweiz am Sonntag“.
