Bëhet fjalë për rastin e 3 prillit 2014, kur biznesmeni 43 vjeçar rreth orës 23.40 voziti 237 kilometra në orë në magjistralen A1 në drejtim të Bernit, shkruan blick.ch. Përveç kësaj akuze, biznesmeni nuk kishte me vete edhe lejen e qarkullimit rrugor, përcjell albinfo.ch. Vendimi për nëntë muaj burg ka ardhur nga Gjykata e Thal-Gäu në Balsthal SO.
Prokurori zviceran Claudio Ravicini më parë kishte kërkuar 18 muaj burg, prej të cilëve me patjetër duhet ti mbante gjysmën e tyre. Gjermani në fjalë kishte shkelur rregullat e qarkullimit rrugor edhe më parë në vendlindje, duke u shprehur se “vozitja e shpejtë” i fal “kënaqësi”.
Gjithsesi avokati i tij Friedrich Frank kërkon lirimin e klientit pasi fotografia e shkrepur në vendngjarje nuk është profesionale dhe nuk mund të identifikohet mirë shoferi.
Tashmë fjalën e fundit do e thotë bordi i apelit, para se vendimi për raserin të jetë i plotfuqishëm.
