Ministria e Punëve të Brendshme të Kosovës me anë të një kumtese ka njoftuar qytetarët se duke filluar nga nesër (1 qershor), nuk mund të bëjnë regjistrimin e automjeteve, pa i paguar gjobat që mund t’i kenë për kundërvajtjet e shkaktuara në trafikun rrugor.
Sipas Ligjit për Automjete, pronari i mjetit nuk mund ta bëjë regjistrimin apo vazhdimin e regjistrimit të mjetit me veprim motorik, as ndërrimin e pronarit, pa e bërë shlyerjen e gjobave për kundërvajtje në trafikun rrugor, transmeton kp.
Ky vendim i shërben rritjes së efikasitetit dhe efektivitetit të pagesave të gjobave për veprat kundërvajtësve në trafik, përcjell albinfo.ch.
Po ashtu, qëllim i këtij vendimi është parandalimi dhe zvogëlimi i numrit aksidenteve në trafik.
