Në Komisionin për Administratë Publike, Qeverisje Lokale dhe Media është sqaruar se iniciativa për hartimin e ligjit të veçantë për mediat nuk synon kontrollin, por mbrojtjen e tyre.
“Komisioni i Pavarur për Media nuk ka përgjegjësi të merret me këtë, e ka vetëm licencimin dhe frekuencat dhe të kemi një ligj për media të shkruara, online, që t’i mbrojë mediat, e jo t’i kontrollojë, sepse mediat janë në një situatë të rëndë”, ka thënë kryetari i këtij komisioni, Nait Hasani, përcjell albinfo.ch.
E deputeti Milaim Zeka ka theksuar se ky ligj ka për qëllim rregullimin e problemeve brenda mediave. “Përmes disa gazetarëve mercenarë po dezinformohet opinioni për hartimin e ligjit të veçantë për media. Çdo ligj këtu bëhet në harmoni me ligjet e BE-së. Në Kosovë janë mbi 400 portale që janë të paregjistruara, TV lokale që nuk kanë licencë, detyra jonë është t’i rregullojmë gjërat e tilla”, ka shtuar ai.
