Në vitet 2000-a llagëpi ‘jugo’ në Zvicër, me të cilin identifikoheshin shqiptarët, sllovenët, kroatët, boshnjakët, serbët, malazezët dhe maqedonasit, kishte një konotacion negativ dhe nënvlerësues. Por për Himzo, shqiptar nga Prizreni – ky konotacion është pjesë e së kaluarës, shkruan srf.ch.
“Jugo sot nuk është fjalë ofenduese,” tha ai. “Nuk është se është zbehur krejt, por ka ndryshuar ndjeshëm nga kuptimi i para 15 viteve.”
33 vjeçari pranon se kultura e tij është tepër e lidhur me atë të vendit të origjinës, edhepse shpesh të afërmit e tij e quajnë atë si ‹dä Schwizer›.
Agresivë dhe xhelozë?
Paragjykimet më të shpeshta për jugot, ngjashëm si përpara 15 vitesh janë: agresivë, xhelozë, ‘raser’-ë. Klishe që për Himzo vlejnë pjesërisht.
“Të rinjtë nuk janë agresivë,” thotë shqiptari i Kosovës. “Ne jemi thjesht emocional. Kjo keqkuptohet.”
Megjithatë tani ka edhe paragjykime pozitive. Shembull është ruajtja e lidhjeve familjare dhe në veçanti vendosja e nënës në plan të parë. “Po, çdo jugo e don nënën e tij!”, qesh Himzo, “ajo duhet të kalojë përmes ferrit, mbi të gjitha kur ka një fëmijë si unë.”
Himzo në videon e sjellë në Albinfo, flet edhe për dasmat, kursimet dhe për ‘rent a car’.
