Statuja nga bronzi pothuajse 20-metërshe e artistit Sabin Howard, e titulluar “Udhëtimi i ushtarit”, që planifikohet të ekspozohet në Uashington në ditën kur përkujtohet Lufta e Parë Botërore, tregon ngjarjen e një ushtari, i cili largohet nga shtëpia për të shkuar në luftë dhe kthehet, por i tjetërsuar.
“Kjo vepër ka të bëjë krejtësisht me humanitetin dhe heroizmin dhe atë se çfarë nënkupton të jesh njeri. Ka të bëjë me potencialin e racës njerëzore”, tha artisti.
Akademia e Artit në New York ka prezantuar tashmë skulpturën e Hovard dhe do ta mbajë të ekspozuar deri më 23 mars. Hovard më pas do të flasë në një ligjëratë publike rreth krijimit të memorialit të tij, e që besohet se do të përfundojë brenda pesë vjetësh. Artisti 53-vjeçar tha se dizajni i tij final ballafaqohet me një seri miratimesh para se të ndërtohet.
Skulpturat do të zënë vend në Uashington, aty ku tashmë përkujtohen që të katër luftërat e mëdha të vendit, e para dhe e dyta botërore, ajo koreane dhe e Vietnamit.
