“Sot, në selinë e FIFA-s në Cyrih është zhvilluar një takim në mes të përfaqësuesve të FIFA-s, UEFA-s dhe Federatës së Futbollit të Serbisë, bën të ditur për albinfon departamenti për medie i FIFA-s.
Sipas orfganizatës botërore të futbollit, në këtë takim është diskutuar vendimi që ka marrë më parë komiteti ekzekutiv i saj për të lejuar Kosovën të luajë ndeshje ndërkombëtare miqësore me vendet anëtare të FIFA-s.
“Hapat e ardhshëm dhe modalitetet e implementimit të këtij vendimi të Komitetit Ekzekutiv do të diskutohen në vazhdim me të gjitha palët relevante”, përfundon përgjigja e departamentit për medie të FIFA-s.
Presidenti i FIFA-s, Sepp Blatter është duke zhvilluar sot një takim me përfaqësuesit e UEFA-s dhe të federatës serbe të futbollit.
Në këtë takim, siç merret vesh, Blatter synon të sqarojë vendimin e organizatës së tij për pranimin që Kosova të luajë ndeshje miqësore me të gjitha, 208 kombëtaret, anëtare të FIFA-s. Siç dihet, ky vendim i komitetit ekzekutiv të FIFA-s, nën ndikimin e federatës serbe, është konstatuar edhe nga UEFA, gjegjësisht kryetari i saj, Michel Platini.
Blatter ka sqaruar se bisedimet fokusohen në pyetjen nëse Kosova lejohet të luajë ndeshje si nikoqire. Dhe se është disponim mbizotërues që vendimi i marrë më parë i FIFA-s nuk do të ndryshohet.
