Autoritetet zvicerane kanë lëshuar një fletarrest për një hetues tatimor gjerman dhe kjo ka ngjallur një valë kritikash të gjermanëve ndaj Zvicrës. Kështu, sindikata e tatimorëve gjermanë ka cilësuar si “grotesk” këtë veprim të zviceranëve.
Unë e shikoj këtë urdhërarrest si një përpjekje për frikësim që i drejtohet politikës gjermane” ka thënë një përfaqësues i kësaj sindikate për shtypin gjerman. Sipas tij, Zvicra frikësohet se marrëveshja tatimore e planifikuar do të dështojë prandaj dëshiron të ushtrojë presion, ka thënë ai, duke e cilësuar marrëveshjen si të pamjaftueshme.
Po u jetësua marrëveshja, në dhomat e fshehta të bankave zvicerane evaduesit tatimorë do të vazhdojnë të deponojnë të hollat në mënyrë anonime.
Urdhërarrestin e kanë kritikuar me të madhe autoritetet gjermane nga SPD ndërkohë që për të kanë treguar mirëkuptim zyrtarët e qeverisë federale.
