Rita Ora, këngëtarja nga Prishtina, e cila me shpejtësi po hynë në familjen e të famshmëve, në asnjë moment nuk ka fsheshur origjinën e saj nga Kosova.
Në YouTube mund të shikoni një video ku Rita përmend disa herë Kosovën, tregon se ka lindur në Prishtinë dhe se është krenare me vendin e saj. “Jemi një vend shumë patriotik. Këtë po e bëj edhe për Kosovën”, kishte thënë Rita.
Ajo këtë fundjavë së bashku me DJ Fresh kanë arritur që të klasifikohen në pozitën e parë të toplistës Britaneze të singlave më të mirë.
Këtë sukses këngëtarja nga Prishtina Rita Ora e ka arritur me singllin e saj ‘Hot Right Now’, këngë kjo e cila vetëm në javën e parë të lansimit në treg ka arritur që të shitet në 130.000 kopje.
Mirëpo ky nuk është suksesi i saj i parë, pasi që ajo njihet në Britani edhe si një yll apo këngëtare e Eurovisionit.
Vajza Londineze në perëndim u shfaq për herë të parë në emisionin televiziv të Andrew Lloyd Webber, mirëpo ajo pas disa paraqitjesh për këtë spektakël Evropian, ajo u tërhoq nga skena televizive, me arsyetimin se ende nuk ishte e gatshme për industrinë e muzikës.
