Maqedonia përfitoi një grant të Komisionit Evropian me një vlerë prej 59.5 milion euro, prej të cilave 45 milion janë pjesë e parave për përmbylljen e konstruksionit financiar për ndërtimin e aksit rrugor Demir – Kapi – Smokvicë , si pjesë e Korridorit 10 dhe pjesa prej 14,5 milion euro për përmirrësimin e sistemit për grumbullimin dhe trajtimin e ujërave të ndotura në Qytetin e Prilepit.
Marrëveshja për këto projekte është kofinancuar nga Komisioni Evropian përmes IPA-instrumentit për zhvillim rajonal, ndërsa u nënshkrua nga ministri i Financave, Zoran Stavrevski, ministri i Transportit dhe Lidhjeve, Mile Janakievski, ministri i Ambientit Jetësor Abdilaqim Ademi dhe drejtori për politikat rajonale të BE-së, Zhan-Mari Sejler, raporton INA.
Ministri Stavrevski, ka deklaruar se me këtë projekt rrumbullakësohet konstruksioni financiar për ndërtimin e kësaj pjese të autostradës, duke kompletuar Korridorin 10..
Ministri i Ambientit Jetësor, Abdilhaqim Ademi, ka theksuar se stacioni pastrues në Prilep është si pjesë e projektit në fushën e pastrimit të ujrave të zeza.
