Vajza më e bukur në botë këtë vit është zgjedhur Ivian Sarcos nga Venezuela.
Titulli “Miss World” për herë të gjashtë shkon në vendet e Amerikës Latine.
Shoqëruesja e parë e Miss-it u shpall përfaqësuesja e Ishujve Filipine, Gwendoline Ruais, ndërsa shoqëruesja e dytë Amanda Perez nga Porto Riko.
Zvicra nuk ka dërguar asnjë kandidate për në Londër. Përfaqësuesja e Shqipërisë në këtë konkurs ishte 18-vjeçarja Isi Topçiu.
Me mbi 120 pjesëmarrëse, ky edicion i 61-të me radhë ka shënuar rekord të vendeve që konkurrojnë për titullin e “Miss Bota”.
Sarcos tashmë do të kalojë një vit duke u marrë me projekte bamirësie rreth e rrotull botës.
Sipas organizatorëve, konkursi i bukurisë është një nga ngjarjet më të shikuara në televizion gjatë vitit. Më shumë se 1 miliard njerëz nga 170 vende e shikojnë këtë spektakël bukurie.
