Tregu i punës në Zvicër po zhvillohet pozitivisht për herë të parë në rreth dy vjet e gjysmë. Aktualisht ka më shumë kompani që duan të krijojnë vendet të lira pune se sa të tilla që planifikojnë të bëjnë reduktimin e tyre.
Qendra Zvicerane për Hulumtime Ekonomike (KOF), tregon se në tremujorin e dytë të vitit 2017 ka shënuar rritje për 1.4 pikë. Për herë të parë që nga tremujori i tretë i vitit 2014, përsëri ishte mbi zero. Në tremujorin e mëparshëm, treguesi ekonomik ishte ende poshtë kufirit zero.
Ndër të tjera, industria është po aq optimiste sa vitin e kaluar, para goditjes së frangut të fortë në fillim të vitit 2015.
Rritja bazohet gjerësisht dhe inkurajon një zhvillim të kënaqshëm në tregun zviceran të punës, komenton KOF. Për shembull, planet e punësimit të shumë kompanive në sektorin e shërbimeve, si dhe sigurimeve dhe industria e mikpritjes, janë disi më pozitive sesa kanë qenë.
KOF ka anketuar rreth 4500 kompani në Zvicër për gjendjen e tyre të punësimit dhe planet e tyre të punësimit.
