Nëse partitë politike shqiptare janë të vendosura për ta dërguar në opozitë partinë e Nikolla Gruevksit, VMRO DPMNE, atëherë e kanë mundësinë që të bashkpunojnë me LSDM-në në rivotimin që do të mbahet të dielen në Tearcë të Tetovës. Edhe pse ky vendvotim është shumë i vogël, fuqia është e madhe, sepse ai suguron LSDM-së edhe një deputet më shumë, duke e barazuar me VMRO-në, të cilës i hiqet një, e rrjedhimisht dy partitë i sugurojnë nga 50 ulëse në Kuvend.
Brenda LSDM-së, besojnë se partitë shqipatre do të bëhën aleatë të saj, përveç BDI-së, e cila më shumë mbronë anën e partnerit të kaluar.
”Gjasat ekzistojnë…na duhen 307 vota nga 714 votues që janë në atë vendvotim. Gjitçka varet nga partitë politike shqiptare”, dekaloi për Albinfo.Ch ky burim nga radhet e LSDM-së.
Sipas tij, në Tearcë ka 630 votues shqiptarë dhe 100 e diçka maqedonas.
Ai shprehet pesimist në BDI-në, se a do t’i mbështet apo jo, ndërsa shpreson shumë se partitë tjera politike shqiptare, Besa, Aleanca dhe PDSH do të jenë në anën e LSDM-së. Kësaj të fundit, siç dekaloi ky burim, i duhen 70 për qind të votave nga Tearca, që ta marrë edhe një deputet.
Ndryshe, dje Këshilli Shtetëror i Zgjedhjeve (KSHZ) në Maqedoni vendosi që të dielën të rivotohet në vendvotimi 2011 në Tearcë.
Vendimi i KSHZ-së erdhi pasi Gjykatës Administrative, konstatoi se ka pasur parregullësi në zgjedhjet e 11 dhjetorit, dhe duhet të përsëritet votimi.
Në zgjedhjet e 11 dhjetorit, në vendvotimin numër 2011 ku gjithsejtë ka 714 votues, në zgjedhjet e mbajtura me 11 dhjetor kanë votuar 404 votues ose 56.58 %, prej tyre 91 vota I ka marrë VMRO.
