Bëhet fjalë për rastin e kontrabandimit më të madh me cigare që është kapur vitet e fundit në Zvicër. Dy punonjësit e ambasadës irakiane në Gjenevë e kanë shitur një sasi cigaresh në tregun e zi francez.
Me emrin e koduar “Diplo”, hetuesit zviceranë doganorë kanë zbuluar me sukses një rrjet të kontrabandës me cigare. Janë kapur dy punonjës, përfaqësues të Irakut në zyrën e OKB-së në Gjenevë, të cilët kanë kontrabanduar të paktën tre vjet në mënyrë të paligjshme cigare ”duty-free” në Francë dhe e kanë shitur në tregun e zi.
Lajmin e ka bërë publik “Sonntagszeitung”, përcjell albinfo.ch, duke u bazuar në të dhënat e Administratës federale zvicerane të Doganave.
Në përputhje me rrethanat, punonjësit kanë blerë cigare në shitoret “duty-free” me pakicë në pjesën veriore të Gjermanisë. Për zhdoganim, ata kanë përdorur forma të rreme që atyre u kanë dhënë qasje në privilegjet doganore si diplomatë, ka zbuluar “Sonntagszeitung”.
Dy diplomatët në komunën ndërkufitare të Fernay-Voltaire kishin ruajtur mallra e tyre.
Me fitimin nga kontrabanda diplomatët irakianë kishin krijuar një jetë luksoze.
Njëri nga kontrabanduesit afër Gjenevës kishte një apartament të shtrenjtë dhe një BMW.
Nga taksat e shmangura dhe nga shmangia nga detyrimet doganore të papaguara vlerësohet dëmi deri 2.4 milionë franga.
